नेकपा एमालेको नयाँ नेतृत्व चयनका लागि आज मतदान हुदै

अध्यक्षका प्रत्याशी ईश्वर पोखरेल यतिवेला महाधिवेशन स्थल पुगेका छन् । उनले नेता कार्यकर्तासँग मत माग्न थालेका छन् । मतदान बिहान ८ बजेदेखि सुरु हुने बताइए पनि केही ढिलाइ भएको छ । यद्यपि मतदाताहरू लाइन लागेर बसेका छन् । अध्यक्ष केपी शर्मा ओली मतदानस्थल पुगेपछि मतदान सुरु गर्ने तयारी छ ।

महाधिवेशनस्थल भृकुटीमण्डप उम्मेदवारका प्रचार सामग्रीले अस्तव्यस्त बनेको छ। नेतृत्व चयनका लागि महाधिवेशन चलिरहँदा प्रचार सामग्री जथाभाबी फालिएको देखिन्छ।

भृकुटीमण्डप क्षेत्रका सडक, फुटपाथ र खुला स्थानमा उम्मेदवारका पर्चा, पम्पलेट र ब्यानर छरपस्ट छन्। भोट माग्ने नाममा छरिएका ती सामग्रीले सार्वजनिक स्थल कुरूप बनाउनुका साथै सिंगो क्षेत्रको सौन्दर्य नै हराएको छ।