नेपाली कांग्रेसको संस्थापनइतर समूहले छुट्टै कार्यालय खडा गरेको छ । संस्थापनसँग असन्तुष्ट देउवा समूहले काठमाडौंको महाराजगञ्जस्थित चुनदेवीमा छुट्टै कार्यालय स्थापना गरेको हो ।
समूहलाई हाल नेतृत्व गरिरहेका नेता एवम् निवर्तमान कार्यवाहक सभापति पूर्णबहादुर खड्काको अगुवाईमा छुट्टै कार्यालय स्थापना भएको हो ।
कार्यालयमा अहिले समूहको छलफल चलिरहेको छ । छलफलमा खड्कासहित शशांक कोइराला, विमलेन्द्र निधि, कृष्णप्रसाद सिटौला, प्रकाशमानसिंह, एनपी साउद, प्रकाशशरण महतगायत नेताहरू सहभागी छन् ।
बैठकले आगामी रणनीति तय गर्ने बताइएको छ ।
प्रतिक्रिया जनाउनुहाेस्
