राष्ट्रिय प्रजातन्त्र पार्टीका प्रवक्ता ज्ञानेन्द्र शाहीले आफू कसैको दास नभएको भन्दै पत्रकार सम्मेलन नै गरेर राष्ट्रिय स्वतन्त्र पार्टी प्रवेश गर्ने दाबी गरेका छन् । पत्रकार संग आफूलाई राप्रपाले नबनाएको र आफू कसैको दास नभएकोले कुनै पार्टीमा प्रवेश गर्दा लुकेर नभएर पत्रकार सम्मेलन नै गरेर जाने बताएका छन् ।
राप्रपामा असन्तुष्ट रहेका ज्ञानेन्द्रले रवि लामिछानेलाई नख्खु जेलमा पुगेर २ पटक भेटवार्ता गरेका थिए । त्यस्तै भावी प्रधानमन्त्रीको उम्मेदवार बन्दै रास्वपा प्रवेश गर्नुअघि बालेन शाहसँग समेत ज्ञानेन्द्रले गम्भीर भेटवार्ता गरेका थिए । नयाँ शक्तिबीच भएको एकतामा ज्ञानेन्द्र सकारात्मक रहेका छन् ।
पछिल्लो समय राप्रपाको समानुपातिक सूचीमा नातावाद र कृपावादका आधारमा समेटिएको भन्दै ज्ञानेन्द्र असन्तुष्ट रहेका छन् । राप्रपाकै उपाध्यक्ष बुद्धिमान तामाङको श्रीमती सरस्वती तामाङ र पार्टीमै हुँदा नै २०७९ मंसिर ४ गते भएको प्रतिनिधिसभा सदस्यका लागि स्वतन्त्र उम्मेदवार बन्दा राप्रपाले साधारण सदस्य समेत नरहने गरी कारबाहीमा गरेको खुश्बु ओलीलाई समानुपातिक सूचीबाट हटाउन ज्ञानेन्द्रले माग गरिरहेका छन् । तर, त्यसलाई राप्रपा नेतृत्वले सच्याउने कुनै प्रतिबद्धता समेत दिएको छैन् । पार्टीमा सुधार गर्न खोज्दा नेतृत्वले कुरा नसुकेपछि ज्ञानेन्द्र निराश बनेका छन् । नेतृत्वको शैलीसँग असन्तुष्ट ज्ञानेन्द्रले राप्रपा छाडेर रास्वपामा प्रवेश गर्न सक्ने उनकै पार्टीका नेताहरुले बताउन थालेका छन् ।
