३२ असार, चितवन । चितवनको भरतपुर अस्पतालको सेफ्टिक ट्यांकीमा खसेकी एक बालिकाको मृत्यु भएको छ ।
असार ३० गते दिउँसो करीब ४ बजेतिर अस्पतालको सी ब्लक नजिकै रहेको सेफ्टिक ट्यांकीमा खसेकी पाँच वर्षीया अन्जना मगरको उपचारको क्रममा मंगलबार साँझ मृत्यु भएको हो ।
अन्जना भरतपुर अस्पतालमा कार्यरत कर्मचारी विकास मगरकी छोरी हुन् । उनको आईसीयूमा राखेर उपचार भइरहेको थियो ।
उनको केहीबेर पछि नै उद्धार गरेर उपचार सुरु गरिए पनि मंगलबार बेलुकी ६ः४० बजे निधन भएको अस्पताल प्रशासनले जनाएको छ ।
प्रतिक्रिया जनाउनुहाेस्
