नेकपा माओवादी केन्द्रका युवा नेता एवं पूर्वमन्त्री सुदन किरातीले यस वर्षको दसैंमा भोजपुरका एक अशक्त नागरिकलाई घरको छानो उपहार दिने घोषणा गरेका छन् । भोजपुर नगरपालिका १ डाँडाबोखिममा एक्लै बस्दै आएका अपाङ्ग भरत राईको घरमा जस्ताको छानो हालिदिने सुदनले सामाजिक सञ्जाल फेसबुक मार्फत घोषणा गरेका छन् । भूमिगत राजनीति कै समयदेखि नै परिवासँग दसैं मनाउँन छाडेका सुदनले २०६४ सालमा संविधानसभा सदस्यमा निर्वाचित भएपछि रहेक वर्षको दसैं खर्च सामाजिक कार्यमा खर्च गर्दै आएका छन् ।
सुदनले सामाजिक सञ्जाल फेसबुकमा लेखेका छन्-
हरेक वर्षको दशैं खर्चले सामाजिक काम गर्दै आएको छु । यो वर्ष पनि भोजपुर न.पा.-१, डाँडाबोखिम निवासी एक्लो अनि अपाङ्ग जीवन बिताई रहनु भएका ‘भरत राई’को घरमा जस्ताको छानो लगाइदिने निर्णय गरेको छु । पोहोर सालको दशैंमा भरतसँग हाम्रो भेट भएको थियो । कुराकानी गर्दा, “उहाँको आत्मा भित्र दुई वटा कुरा पाएँ । एउटा पानी पर्दा घर चुहिने ठूलो चिन्ता र अर्को जस्ताको छानो लगाएर विवाह गर्ने जीवनको सपना ।”
अब कृपया कमेन्टमा बिहे पनि गरिदेउ भनेर नलेखी दिनुहोला धन्यवाद !
नोट:- सदाझैं अगाडी नै बनाई सकेर आज हस्तान्तरण गर्नुपर्ने थियो तर परिस्थितिले सकिएन । दशैंपछि तुरुन्त बनाइने छ ।
