अछाम ।
नेपाल कम्युनिष्ट पार्टी (माओवादी केन्द्र)का अछाम इन्चार्ज एंवम संविधान सभा सदस्य शरद सिंह भणडारिले पार्टीले सुरु गरेको मध्यपहाडी (पुष्पलाल) लोकमार्ग अभियानले जन्ता तथा कार्यकर्तामा जनजागरण ल्याएको बताएका छन् । साथै उनले अभियानले पार्टीलाई नयाँ उर्जा प्राप्त भएको बताए ।
रुपान्तरण खबर संगको कुराकानीमा उनले भने ‘सुदूरपश्चिमको बैतडीबाट जेठ २ गते सुरु भएको मध्यपहाडी (पुष्पलाल) लोकमार्ग अभियान आजबाट कर्णाली प्रदेशमा प्रवेश गरेको छ । हामी जहाँजहाँ पुग्यौँ,त्यहाँ जनजागरण ल्याएको छ ।’
स्थानीय पालिका जुन पार्टीले जितेको भएपनि विचारभन्दा माथि उठेर अभियानमा ऐक्यवद्धता जनाउने गरेको बताउँदै उनले अभियान टिमलाई सम्मान अभिनन्दन गर्ने र आफ्ना मागहरु राख्ने,ज्ञापनपत्र बुझाउने गरेको बताए ।
‘बैतडीको पाटन होस्,डडेल्धुरा होस्,डोटी होस् या अछाम होस् यो अभियानको प्रभाव परेको देखिन्छ’ उनले भने ‘जनताको विकासको तीब्र चाहाना,आकांक्षा माओवादी अध्यक्ष एवं पूर्वप्रधानमन्त्री पुष्पकमल दाहाल ‘प्रचण्ड’को टिम सँग राखेपछि कुनै न कुनै ढंगले हल हुन्छन भन्ने जनअपेक्षा छ ।’
उनले भने ‘हामी अहिले सरकारमा त छैनौँ,जनताका कुरा संसदमा पुर्याउने सरकारको ध्यान आकृष्ट गर्न पहल गर्ने हाम्रो पार्टी मार्फत प्रतिबद्धता गरेका छौँ ।’
इन्चार्ज भण्डारीले मध्यपहाडी लोकमार्ग अभियान सुदूरपश्चिमका लागि महत्वपूर्ण भएको बताए । यसले पार्टीको पुनर्गठन,सुदृढ गर्न र पार्टीलाई सुद्धिकरण तिर लैजाने उर्जाको रुपमा हामीले लिएका छौँ ।’
नेता भण्डारीले भने ‘हामीले अभियानको क्रममा सहिद,बेपत्ता परिवार,घाइते,अपाङ्गताभएका तथा आम जनतासँग भेटघाट गरेका छौँ । प्रचण्ड नेतृत्वको उपलब्धी जगेर्ना गरि विकासको प्रकृया अगाडि बढाउँदै समाजवादतिर जानुपर्छ भन्ने जनताले सन्देश दिएका छन् ।’
अध्यक्ष प्रचण्डको नेतृत्वमा रहेको मध्यपहाडी लोकमार्ग अभियान आइतबार कर्णाली प्रदेशको दैलेख पुगेको छ । अभियानको राष्ट्रिय झण्डा र पार्टीको झण्डा सुदूरपश्चिम प्रदेश इन्चार्ज गिरिराजमणि पोखरेल र प्रदेश अध्यक्ष हरिराम चौधरीले कर्णाली प्रदेशका इन्चार्ज कालीबहादुर मल्ल तथा प्रदेश अध्यक्ष विमला केसीलाई हस्तान्तरण गरेका छन् ।भने अछाम इन्चार्ज भण्डारीले माला लगाएर विदाइ गर्नुभएको थियो!
