१८ भदौ, काठमाडौं । प्रधानमन्त्री बालेन शाहसँग नेकपाका नेता वर्षमान पुनले भेट गरेका छन्।
उनीहरूबीच सिंहदरबारस्थित प्रधानमन्त्री तथा मन्त्रिपरिषद्को कार्यालयमा भेट भएको हो। भेटमा उनीहरूबीच रसुवाको भोटेकोशी-त्रिशूली नदीमा आएको बाढी र त्यसपछिको खोज, उद्धार, उपचार, राहत वितरणलगायत विषयमा कुराकानी भएको प्रधानमन्त्रीको सचिवालयले जनाएको छ।
यस्तै, उनीहरूबीच बाढीबाट प्रभावित भएका पूर्वाधारलाई पुनर्निर्माण र पुन: सञ्चालनको विषयमा छलफल भएको छ।
प्रधानमन्त्रीसँग यसअघि आजै उज्यालो नेपाल पार्टीका अध्यक्ष कुलमान घिसिङले पनि भेट गरेका थिए। उनीहरूबीचको भेटमा पनि बाढीपछिको अवस्थाका विषयमा कुराकानी भएको हो।
प्रतिक्रिया जनाउनुहाेस्
